Шүлхий өвчин гэж юу вэ? Шүлхий нь үхэр, хонь, ямаа, гахай зэрэг малд халдварладаг, маш хурдан тархдаг вирусийн гаралтай гоц халдварт өвчин юм. Өвчний гол шинж тэмдэг: • Ам, хэл, уруул, буйл, туурай, хөхөнд цэврүү, шарх үүсэх; • Шүлс их гоожих, хоолонд дургүй болох; • Халуурах, доголох; • Саалийн малын сүүний гарц огцом буурах; • Төл мал эндэх эрсдэлтэй; Халдвар дамжих зам: • Өвчтэй малтай шууд харьцах; • Тээврийн хэрэгсэл, хувцас, багаж хэрэгслээр; • Салхи, тоос, тэжээл, ус зэргээр дамжин тархах боломжтой. АНХААРУУЛГА Малд дээрх шинж тэмдэг илэрсэн тохиолдолд харьяа сумын Мал эмнэлгийн тасаг болон хариуцсан багийн малын эмчдээ яаралтай мэдэгдэхийг анхааруулж байна.
